Moción do BNG sobre Ramón Fernández Mato

Moción do Bloque Nacionalista Galega para a rehabilitación e adecentamento da tumba de Ramón Fernández Mato no cemiterio de Ferreira

A figura do político e escritor Ramón Fernández Mato está vencellado á vila de Ferreira do Valadoro polo seu matrimonio cunha veciña da vila e porque, logo do seu pasamento, foi soterrado no cemiterio de Ferreira.

Ramón Fernández Mato naceu na parroquia de Cespón (Concello de Boiro) o 13 de maio de 1889. Ensaísta, dramaturgo, xornalista e político. Realizou estudos de Medicina nas Universidades de Santiago de Compostela e Madrid e desde mozo comezou a colaborar na prensa. A vida literaria sería a súa principal ocupación, xa que case non exerceu a Medicina.

Emigrou á Arxentina en 1914, país no que permaneceu durante catorce meses. Foi colaborador do xornal La Nación e das revistas Crítica e Caras y caretas. No xornal Correo de Galicia responsabilizouse da sección "Retablo español". En colaboración co xornalista José R. Lence escribiu a zarzuela La Galleguita, con música do mestre Padilla foi estreada en abril de 1914. En colaboración con Lence tamén escribiu  a obra La conquista de América, obra que se estreou o 7 de novembro de 1914. Xunto con Luis Sánchez Abal escribiu a comedia La Retirada. En solitario foi autor da comedia El Altar. O 13 de xuño ditou unha conferencia sobre Rosalía de Castro no marco do festival organizado pola Federación de Residentes de Teo en Sud América, nesta conferencia Fernández Mato aproveitou para pedir a axuda dos emigrantes á construción dunha estatua a Rosalía de Castro en Santiago de Compostela. Tras esta etapa de residencia na Arxentina retorna a Galiza para se dedicar ao xornalismo.

Coa chegada da II República foi Gobernador Civil de varias provincias: Ciudad Real, Málaga, Jaén e Cáceres. Foi tamén Director Xeral de Seguridade. Nas eleccións de febreiro de 1936 saíu elixido deputado pola provincia de Lugo en representación do Partido do Centro, formación política que encabezaba o tamén galego Manuel Portela Valladares.

Co inicio de guerra civil vese na obriga de seguir o camiño do exilio. Así, en novembro de 1936 chega á Habana. Na capital de Cuba foi colaborador do Diario de la Marina, onde se ocupou da sección "España. Con los ojos del recuerdo". En 1943 saíu con destino a Venezuela, comezando entón un periplo por varios países latinoamericanos.

Tras volver a Cuba, en 1948 fundou e dirixiu a revista Raíz. España en América. Durante a década dos anos 50 foi un frecuente colaborador do periódico Prensa Libre. Foi asiduo colaborador de medios como Cultura Gallega, Carteles, Vida Gallega, Eco de Galicia, etc. Recibiu a Medalla de Ouro da Cruz Vermella Cubana. Foi nomeado académico correspondente da Real Academia Gallega.

Vencellado á sociedade "El Valle de Oro", o 15 de marzo de 1954 foi elixido como secretario dunha comisión encargada de recadar fondos para rematar a torre e o reloxo da igrexa de Ferreira do Valadouro. Do mesmo xeito, participou na conmemoración do cincuentenario desta sociedade –lendo un discurso no banquete de celebración− acontecido en 1957.

En 1963 regresou a España. Faleceu o 19 de novembro de 1980, sendo soterrado no cemiterio de Ferreira do Valdouro, onde a súa tumba se atopa na actualidade en mal estado de conservación.

Xa que logo, Ramón Fernández Mato foi unha figura de indubidábel valor, tanto na sua fasquía de escritor, como no eido político, dado a súa relevancia na defensa da democracia republicana.

En consideración ás liñas precedentes, o Bloque Nacionalista Galego insta á Corporación municipal do Valadouro a adoptar as seguintes resolucións.

1.      A Corporación municipal insta ao Goberno local a rehabilitar e adecentar como se merece a tumba de Ramón Fernández Mato, en atención á relevancia da súa figura como escritor e como valedor da causa da democracia durante a Segunda República e no posterior exilio.

2.      Tendo en conta os méritos que recaen en Ramón Fernández Mato, a Corporación municipal do Valadouro declara a necesidade do seu recoñecemento como fillo adoptivo do Valadouro (a título póstumo) e, como necesaria lembranza da súa figura, insta ao Goberno local a que o seu nome figure nunha rúa de Ferreira do Valadouro, vila na que se atopa soterrado  e na cal residiu.

Postura do BNG perante a proposta de soldo do alcalde do Valadouro

Exposición de motivos:
● Dende o BNG en principio non nos opoñemos a que un alcalde teña un salario.
Se os alcaldes non teñen salarios, so poderían ser elixidos como alcaldes os
ricos ou terratenentes, e dende o BNG cremos que calquera pode ser alcalde con
independencia da súa clase social ou da súa riqueza.
● Cando alguén recibe un salario, debe render no seu traballo, e os políticos non
poden ser unha excepción. Cando un traballa, por exemplo, como mecánico debe
arranxar coches, e cando un é directivo debe cumprir uns obxectivos. E un alcalde no
fondo é un directivo.
● Nas empresas privadas, para a retribución dos directivos empregase a dirección por
obxectivos: a un directivo márcanselle uns obxectivos e cobra en función de que
cumpra con eses obxectivos ou non.
● Coa anterior Administración autonómica existía un proxecto de polígono industrial,
que xa se encontraba na fase de aprobación polo concello do Valadouro, e que a
Administración do PP paralizou en canto chegou o goberno.
● Para o BNG do Valadouro o polígono é un obxectivo fundamental, e que figuraba
no programa de todos os partidos políticos que se presentaron ás anteriores eleccións.
● Dende o BNG contemplamos con preocupación como na última reunión que mantivo
o alcalde coa delegada territorial da Xunta, Raquel Arias, falouse dunha serie de
investimentos pero non se falou do Polígono Industrial do Valadouro.

Por todo isto:
● O BNG apoiará o salario do Alcalde do BNG unicamente se este se compromete
publicamente a desbloquear o Polígono Industrial do Valadouro no prazo dun
ano.
● Se no prazo dun ano e medio o polígono industrial segue paralizado, dende
o BNG consideraremos que o alcalde non está cumprindo cos obxectivos e
solicitaremos e apoiaremos a retirada do soldo ao alcalde.

Intervención en Radio Valadouro

Programa electoral do BNG do Valadouro

Dende o BNG do Valadouro presentamos o noso programa electoral para as proximas eleccions. Con este programa pretendemos atacar un dos principais problemas do Valadouro, a perda de poboación.

Para isto fixamonos tres obxetivos principais:
Que o Valadouro sexa o mellor concello para criar un fillo. Esta será a “marca” coa que dende o Valadouro pretendemos atraer xente.
Que o Valadouro sexa o mellor concello para vivir. Para mellorar a calidade de vida dos nosos veciños.
Conseguir crear emprego no concello do Valadouro. Con este grupo de medidas pretendemos fixar poboación e evitar que a xente se vaia para outros concellos.


Como ferramentas para conseguir isto plantexamonos:
Mellorar o funcionamento do Concello. Sacar o maximo partido posible a cada euro do Concello, para facer mais con menos, intentando ofrecer un mellor servicio.
A unificacion dos concellos do Valadouro e Alfoz. Por que temos os mesmos problemas e precisamos as mesmas solucións.




O Mellor concello para criar un fillo
Aumento das axudas os pais
Transporte para os alumnos que cursan bachiller ou FP nos concellos veciños
Mellora garderia : Mellorar o seu funcionamento.
Complementar o colexio:Clases de ingles con profesores nativos.Programa madrugadores.
Actividades para a xuventude.
Cubrir a piscina municipal



O mellor concello para vivir
Novo Plan xeral urbanismo con reserva de entre un 25%a un 40% para vivenda protexida.Promocion de vivendas sociais, especialmente orientadas para a xente nova.Rehabilitación do casco vello de Ferreira.Limpieza de fincas que rodean nucleos rurais ou urbanos.
Permitir construir nas parroquias. Aumentar nucleos población.Internet nas parroquias
Soterramento dos contenedores.Contenedores de recollida selectiva nas parroquias.
Creación dun Centro de dia.Retomar a colaboracion na prevención das drogodepencias.
Sacar partido a casa da cultura.Apoio a asociacions: Cesion de locais.Promoción de novos valores do valadouro: pintores, cantantes,etc...Creación dunha escola de música.
Conseguir un concello accesible.

Fomento emprego
Traballo en conxunto de ambos os dous concellos do Val a prol da creación dun polígono industrial.
Apoio o sector forestal.Racionalizar a explotación forestal. Ofertar formación especifica
Museo etnografico do mel.
Impulso institucional do cooperativismo.
Fomento da produción agrícola de horta e introdución duns cultivos orientados ao mercado.
Acondicionamento do Valadouro como zona turística, divulgando a súa imaxe entre o mar e a montaña.
Recuperación das feiras tradicionais e do mercado semanal.
Cambiar a orientacion das escolas taller para que a formación esteña orientada as necesidades do mercado laboral.
Desenvolvemento de actividades que poidan atraer ó turismo: pesca fluvial, senderismo, rutas a cabalo, caza.
Realización de estudios do solo para analizar os cultivos mais axeitados.
Montar un grumir
Matadoiro mancomunado co concello de Alfoz.
planta de biomasa.
Catalogación de monumentos e espacios naturais.

Funcionamento do concello
Cómpre asegurar a transparencia e a equidade na contratación do persoal ao servizo do Concello.
Transparencia na Administración municipal, asegurando sempre o máximo coidado no trato co cidadán.
Información puntual da actividade do goberno municipal.
Implicación efectiva dos colectivos sociais na xestión do goberno local.
Creación dun regulamento que permita aos cidadáns presentar propostas nos plenos. Posta en marcha dos orzamentos participativos.
Creación da Concellaría da Muller, con especial atención á muller maior do mundo rural. Fomento da igualdade de oportunidades.
Promoción da participación da mocidade na vida socio-económica do Val.
Administracion electronica
Eliminacion da taxa por compulsa de documentos.
Servicio dende o concello para axudar os cidadans a realizar tramites na administración electronica: extensión agraria, etc...


Unificacion dos dous concellos
O futuro económico do Val pasa pola unidade dos dous concellos. A fusión do Valadouro e de Alfoz é vital para:
Acadar maiores recursos económicos.
Frear a irracional duplicación de servizos.
Xerar unha Administración municipal forte para a creación de emprego.
Comenzar mancomunando servicios.

O BNG do Valadouro presenta a súa lista para as proximas eleccións municipais

As eleccións locais do 22 de maio de 2011 traerán, ocorra o que ocorra, un novo alcalde para O Valadouro. Porén, máis que unha nova persoa habería que preguntarse se vai existir unha nova política para o noso Concello. En efecto, de nada serve mudar de alcalde se a política de parálise e inactividade continúa.

Desde o BNG cremos que é necesaria unha nova política, un novo trato, que poña o acento na creación de emprego como mellor garante do futuro do noso Concello. A política estrela do PP, repartir focos e asfaltar currais, demostrou ser letal para o Valadouro, que perde poboación ano tras ano. No BNG non nos opomos a colocar puntos de luz onde sexan necesarios, nin a acondicionar racionalmente onde sexa preciso, mais nin os focos nin o alcatrán han de asegurar o futuro do Concello. Só unhas políticas activas na creación de emprego poderán garantir a supervivencia do Valadouro. De que serven os focos nunhas casas que cada vez están máis baleiras?

Desde o BNG acreditamos tamén nunhas políticas sociais que sirvan para mellorar o benestar dos cidadáns e non para facer clientela política. Unha sociedade verdadeiramente democrática ten a súa medida no benestar dos seus cidadáns, por iso o nacionalismo galego fai deste punto tema central do seu discurso. A implicación efectiva dos cidadáns nesta materia é crucial.

Somos partidarios dunha política amábel, en positivo, que fuxa da confrontación continua e permanente. Nos últimos anos unha parte da oposición –nomeadamente o PSOE− fixo do confronto político o cerne da súa actividade. Fronte a iso, o BNG foi, e debe seguir sendo, unha forza xeradora de acordos e consensos. No BNG está o verdadeiro talante.

En definitiva, foi o BNG quen pilotou a oposición ao “goberno” do PP e da independente ao longo destes últimos catro anos, aportando sempre a cada crítica unha proposta. Non podemos aceptar de ningunha maneira que quen compartiu “goberno” co PP (e xa que logo é responsábel da situación de abandono actual) pretenda agora colocarse como catalizadora do descontento. Non, os presuntamente independentes son cómplices do PP nun xeito de gobernar arcaico e esgotado, que non respecta a dignidade dos cidadáns. Fronte a eles, o BNG propugna unha verdadeira participación da sociedade civil no goberno do noso concello, implicando aos nosos veciños no devir cotián do Valadouro.


1. Don EDUARDO CHAO GONZALEZ
2. Don MIGUEL IGLESIAS VILLARMEA
3. Don ROBERTO ANELLO QUENDE
4. Don ALFONSO BLANCO IGLESIAS
5. Dona CRISTINA FERNANDEZ REY
6. Don ALFREDO FREIRE LEIRAS
7. Don JORGE EIROA BALSEIRO
8. Don RAMIRO GOMEZ PAZ
9. Don IVAN LOZANO IGLESIAS
10. Don ORLANDO MARRUBE CHAO
11. Don PRUDENCIO VIVEIRO MOGO
Suplentes:
1. Don CARLOS FERNANDO CORNIDE PUMARES
2. Don XOSE ANTON OROL HERMIDA
3. Don RAMON JOSE ROUCO FERNANDEZ
4. Don JOSE MANUEL FERNANDEZ LORENZO
5. Don NESTOR VEIGA BLANCO

Pleno Marzo: O BNG consegue soterrar colectores lixo

O pasado venres 10 de marzo o pleno extraordinario do Concello do Valadouro aprobou por unanimidade a proposta do BNG para destinar 130.000 € do Fondo de Compensación Ambiental para o soterramento dos colectores de lixo situados nas rúas de titularidade municipal: Av. da Veiga, Avd. da Diputación, Feira Nova, Parque Rosalía de Castro, Praza de Santa María e Rúa do Caiado.
O grupo nacionalista tamén propuxo dito soterramento nas rúas Avd. de Viveiro, Andrés López Palmeiro, pero o Decreto polo que se convoca esta subvención impedía que se destinasen eses fondos nas rúas que non son de competencia municipal.
Dado que aínda quedan por solucionar problemas nestas e nas demais rúas excluídas das medidas aprobadas, pedimos que o goberno municipal do PP se faga eco da demanda dos veciños e veciñas e solicite á Xunta de Galicia que soterre, coma xa fixo noutros concellos, ditos colectores. Así, rematarán os cheiros e a suciedade coa que teñen que convivir os veciños e veciñas que teñen os colectores diante das súas casas e negocios.
O restante do fondo destinarase á compra dunha pala mixta para uso do Concello.

Atentamente,
Eduardo Chao
Concelleiro do BNG.

Os fracasos do PP: O Valadouro como exemplo

http://desfacendooscadullos.blogspot.com/2011/02/os-fracasos-do-pp-o-valadouro-como.html